2010, ഒക്‌ടോബർ 5, ചൊവ്വാഴ്ച

മഴ

ഇപ്പോള്‍
ഉണരുമ്പോള്‍ എന്നും എന്റെ മനസ്സ് പറയും 
ഒരു നല്ല മഴ കണ്ടിരുന്നെങ്കില്‍ എന്ന് 
മൂടിക്കെട്ടിയ ആകാശവും 
കത്തിപ്പെയ്യുന്ന മഴയും
കുത്തിയൊലിച്ചു ചെമമണ്ണു പൂശിയ റോഡുകളും
എന്നും എന്റെ മനസ്സിലെ നിറമുള്ള സ്വപ്നങ്ങളാണ് 
ഇപ്പോള്‍
എത്ര കാലമായെന്നറിയില്ല
നിറമുള്ള ഒരു മഴ കണ്ടിട്ട് 
എന്നാലും മഴയും മഴക്കാലവും
സ്വപ്നത്തിലെ കൂട്ടുകാരായി വന്നു 
ഓര്‍മകളെ ഇക്കിളിപ്പെടുത്തി ഓളങ്ങളുണ്ടാക്കുന്നു
പൂത്തിരിയും വെടിക്കെട്ടും കഴിഞ്ഞ്‌ 
മരങ്ങളെ കുളിപ്പിച്ച് 
ഇലകളില്‍ നിന്ന് ഇലകളിലേക്കിറ്റി വീണ്‌
സംഗീതത്തിന്റെ അകമ്പടിയോടെ 
മണ്ണിലലിയുന്ന  മഴ
എന്നില്‍ നിന്നകന്ന കന്യകയുടെ മണവും 
മരുഭൂമിയില്‍ കരിഞ്ഞുപോയ പാട്ടും 
ഓര്‍മകളുടെ വേദനയും ഓര്‍മിപ്പിച്ചു 
കണ്ണുകളില്‍ പേമാരി പെയ്യിച്ച് 
എന്നില്‍ നിന്നോടിയകലുന്നു





അഭിപ്രായങ്ങളൊന്നുമില്ല:

ഒരു അഭിപ്രായം പോസ്റ്റ് ചെയ്യൂ