ഈന്തപ്പന മരം കാറ്റിനെ നോക്കിപ്പറഞ്ഞു
നിനക്കൊരു ചൂടില്ല
നോക്കൂ എന്റെ പഴങ്ങള്
പഴുക്കാതെ പോഴിയുന്നതിനു നീയാണ്
ഹേതു
സങ്കടപ്പെട്ട കാറ്റ് കൊല്ലന്റെ ആല തേടിപ്പോയി
കനലില് പഴുത്ത് ഓടിയെത്തി
ഈന്തപ്പഴങ്ങളെ ഊതി പ്പഴുപ്പിച്ചു
പഴം പറിക്കാന് വന്ന കര്ഷകന് കാറ്റിനെ നോക്കിപ്പറഞ്ഞു
ഹോ ...എന്തൊരു ചൂട്
നിന്റെ ചൂടില് എന്റെ വയലുകള് കരിഞ്ഞുണങ്ങി
കാറ്റ് കണ്ണീരോടെ പുഴ തേടിപ്പോയി
പുഴ പറഞ്ഞു ... എന്നെ ഉണക്കികളഞ്ഞത് നീയാണ്
നിന്റെ ചൂട് എന്റെ രക്തം കുടിക്കുന്നു
യാ അല്ലാഹ് ...............
കാറ്റിന്റെ വേദനയൂറുന്ന വിളിയില് മനസ്സലിഞ്ഞ ദൈവം
കാറ്റിനെ തണുപ്പിക്കാന് മഴയോട് ചൊല്ലി
കുളിരണിഞ്ഞ കാറ്റിനു
എതിരെ വന്ന കര്ഷകന് മുഖം ചുളിച്ചു,
ഹോ .........എന്തൊരു കുളിര്.....
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ